யாழ்ப்பாணத்தில் ஐஸ் போதைப்பொருளுடன் ஒருவர் கைது

யாழ்ப்பாணத்தில் இருபத்தைந்து இலட்சம் பெறுமதியான ஐஸ் போதைப்பொருளுடன் ஒருவர் விசேட அதிரடிப்படையினரால் கைது செய்யப்பட்டுள்ளார்.

சம்பவம் தொடர்பில் மல்லாவியைச் சேர்ந்த 25 வயதுடைய இளைஞனே இவ்வாறு கைது செய்யப்பட்டுள்ளார்.

மேலதிக விசாரணை

யாழ்ப்பாண பகுதியில் நீண்ட காலமாக போதைப்பொருள் கடத்தலில் ஈடுபட்டு வருவதாக  பொலிஸாருக்கு கிடைக்கப்பெற்ற இரகசிய தகவலுக்கு அமைய விசேட அதிரடிப்படைத் தளபதி சிரேஷ்ட பிரதிப் பொலிஸ் மா அதிபர் வருண ஜயசுந்தரவின்  தலைமையில் நடத்தப்பட்ட சோதனையின் போதே இந்த கைது நடவடிக்கை இடம்பெற்றுள்ளது.

சந்தேக நபர்களிடமிருந்து 25 இலட்சம் பெறுமதியான 101 கிராம் ஐஸ் போதைப்பொருள், கையடக்கத்தொலைபேசி என்பன கைப்பற்றப்பட்டதாக பொலிஸார் தெரிவித்துள்ளனர்.

மேலும், கைது செய்யப்பட்ட சந்தேகநபர் மேலதிக விசாரணைகளுக்காக மாங்குளம் பொலிஸ் நிலையத்தில் ஒப்படைக்கப்பட்டுள்ளதாக தெரிவிக்கப்படுகின்றது.