மோட்டார்சைக்கிளில் இருந்து தவறி விழுந்து பெண்ணொருவர் உயிரிழப்பு
Rakshana MA
புத்தளத்தில் பெண்ணொருவர் மோட்டார்சைக்கிளில் இருந்து தவறி விழுந்து உயிரிழந்துள்ளார்.
குறித்தச் சம்பவம் நேற்று(26) இரவு கரமபைப் பகுதியில் இடம்பெற்றுள்ளது.
சுய நினைவிழந்த தாய்
தேத்தாப்பலைப் பகுதியிலிருந்து கரம்பை விகாரைக்கு மோட்டார் சைக்கிளில் தாயும், மகனும் சென்று பூஜையை முடித்து விட்டு மீண்டும் வீட்டுக்குத் திரும்பிக்கொண்டிருந்த போது பின்னால் இருந்த தாய் தவறுதலாக விழுந்துள்ளார்.
தாய் விழுந்து இடத்திலிருந்து சுமார் 70 மீற்றர் தூரம் சென்ற பின்னரே, பின்னால் தாய் இல்லை என்பதை உணர்ந்து மகன் மோட்டார் சைக்கிளைத் திருப்பி தாயைத் தேடிச்சென்றுள்ளார்.
கீழே விழுந்து காயங்களுக்கு இலக்காகி சுயநினைவின்றி வீதியில் கிடந்த குறித்த பெண்ணை அங்கிருந்த மக்கள் உடனடியாக புத்தளம் ஆதார வைத்தியசாலைக்கு கொண்டு சென்றுள்ளனர்.
மேலதிக விசாரணை
எனினும் குறித்த பெண் வைத்தியசாலையில் வைத்து சிகிச்சைப் பலனின்றி உயிரிழந்துள்ளதாக போக்குவரத்து பொலிஸார் தெரிவித்துள்ளனர்.
சம்பவம் தொடர்பில் உயிரிழந்தவரின் மகன் போக்குவரத்து பொலிஸாரினால் கைது செய்யப்பட்டுள்ளார்.
குறித்த விபத்துச் சம்பவம் தொடர்பில் நுரைச்சோலை போக்குவரத்து பொலிஸார் மேற்கொண்டு வருகின்றமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
