இணையத்தைக் கலக்கும் கமலா ஹாரிஸின் தென்னை மர நகைச்சுவை

அமெரிக்க ஜனாதிபதி தேர்தலில் ஜனநாயக கட்சி சார்பில் பைடனுக்கு(biden) பதிலாக வேட்பாளராக அறிவிக்கப்பட்டுள்ள கமலா ஹாரிஸ்(kamala harris) குறித்த பிரபலமான மீம் ஒன்று தற்போது மீண்டும் வைரலாக தொடங்கியுள்ளது.

கடந்த 2023 ஆம் ஆண்டு வெள்ளை மாளிகையில் நடந்த ஹிஸ்பானிக் அமெரிக்கர்களின் முன்னேற்றம் குறித்து நடந்த நிகழ்ச்சியில் பேசிய துணை ஜனாதிபதி கமலா ஹாரிஸ்,

எனது தாய் சில நேரங்களில் சொல்வதுண்டு, இந்த இளைய தலைமுறை பிள்ளைகளிடம் என்ன தவறு என்று எனக்குத் தெரியவில்லை, நீங்கள் எல்லோரும் எதோ தென்னை மரத்தில் இருந்து நேராக பூமியில் விழுந்தவர்கள் என்று நினைக்கிறீர்களா? என்று அவர் கேட்பதுண்டு' என்று சொல்லிவிட்டு சிரித்தார் கமலா ஹாரிஸ்.

தென்னை மர மீம்ஸ்கள்

அவர் பேசியது அப்போது வைரல் ஆன நிலையில் கமலா ஹாரிஸ் தென்னை மர மீம்ஸ்கள் இணையத்தில் உலா வரத் தொடங்கின.

தற்போது கமலா அதிபர் வேட்பாளராகியுள்ள நிலையில் அவரது ஆதரவாளர்கள் இந்த மீம்ஸ்களை பிரச்சார ஆயுதமாக்கியுள்ளனர்.