லஞ்சம் வாங்கிய குற்றச்சாட்டில் காவல்துறை அதிகாரி ஒருவர் கைது

லஞ்ச, ஊழல் குற்றச்சாட்டு தொடர்பில் களனி (Kelaniya) -  மஹாபாகே (Mahabhake) காவல் நிலையத்தில் கடமையாற்றும் காவல்துறை பரிசோதகர் ஒருவர் கைது செய்யப்பட்டுள்ளார்.   

வெலிசர பொருளாதார நிலையத்திற்கு செல்லும் வழியில் நேற்று (03) மாலை இலஞ்ச ஊழல் விசாரணை ஆணைக்குழுவின் விசாரணை அதிகாரிகள் குறித்த கைது நடவடிக்கையை மேற்கொண்டிருந்தனர்.

வத்தளை (Wattala), பள்ளியாவத்தை பகுதியைச் சேர்ந்த ஒருவர் செய்த முறைப்பாட்டிற்கமைய காவல்துறை பரிசோதகர் கைது செய்யப்பட்டுள்ளார்.

காவல்துறை பரிசோதகர்

முறைப்பாட்டாளரிடமிருந்து குறித்த காவல்துறை அதிகாரி இலஞ்சமாக 25000 ரூபா பெற்ற குற்றச்சாட்டின் பேரில் கைது செய்யப்பட்டுள்ளார்.

இந்த நிலையில் கைது செய்யப்பட்ட காவல்துறை பரிசோதகர் கொழும்பு (Colombo) பிரதான நீதவான் நீதிமன்றில் முன்னிலைபடுத்தப்படவுள்ளமை குறிப்பிடத்தக்கது.