கோட்டாபய ஒரு துரோகி! மகிந்த முன்னிலையில் கடுமையாக பேசிய தேரர்

முன்னாள் ஜனாதிபதி கோட்டாபய ராஜபக்ச நாட்டுக்கும் நாட்டு மக்களுக்கும் துரோகம் இழைத்த ஒரு துரோகி என்று முருத்தெட்டுவே ஆனந்த தேரர் கடுமையாக சாடியுள்ளார்.

முன்னாள்  ஜனாதிபதியும் கோட்டாபயவின் மூத்த சகோதரருமான மகிந்த ராஜபக்சவின் முன்னிலையிலேயே முருத்தெட்டுவே தேரர் கோட்டாபயவை கடுமையாக சாடியுள்ளதாக தெரிவிக்கப்படுகின்றது. 

கோட்டாபயவை சுற்றியிருந்த நபர்கள்

இதன்போது,  மிகப்பெரும்பான்மை வாக்குகளால் தெரிவு செய்யப்பட்ட கோட்டாபய ராஜபக்ச நாட்டிற்கும் மக்களிற்கும் துரோகமிழைத்தார் என குறிப்பிட்டுள்ளார்.

கோட்டாபயவிடம் நிர்வாகத்திறமையிருக்கவில்லை.  தனக்கு யாரால் நன்மை கிடைக்கும் என கருதினாரோ அவர்களையே கோட்டாபய தன்னை சுற்றிவைத்திருந்தார்.

கோட்டாபய தவறான பாதையில் செல்கின்றார் என நாங்கள் பல தடவை அவரிடம் தெரிவித்தோம். அதன் காரணமாகவே அவர் வீழ்ச்சியடைந்தார். நாங்கள் இன்று எதிர்கொள்ளும் நிலைமைக்கு அவரின் நிர்வாகத்திறன் இன்மையே காரணம் என்றும் அவர் சுட்டிக்காட்டினார்.