அம்பாறையில் கரை ஒதுங்கியுள்ள முதலைகள்
Rakshana MA
அம்பாறை மாவட்டம் காரைதீவு பிரதேச சபைக்குட்பட்ட மாவடிப்பள்ளி பகுதியில் வெள்ள நீரில் இறந்த நிலையில் முதலைகள் கரை ஒதுங்கியுள்ளன.
குறித்த முதலைகள் இன்று(26) இறந்து கரையொதுங்கியமையினால் மக்களுக்கு அசௌகரியம் மற்றும் அச்சநிலையை ஏற்படுத்தியுள்ளதாக கருத்து தெரிவித்துள்ளனர்.
மாவடிப்பள்ளி பாலத்திற்கு அருகில் அண்மைக்காலமாக அதிகளவான முதலைகள் காணப்பட்டு வருகின்றன என தெரிவிக்கப்பட்டுள்ளது.
காலநிலை மாற்றத்தினால் இறக்கும் முதலைகள்
இந்த நிலையில் தற்போது இப்பாலத்தை அண்டிய பகுதிகளில் சுமார் 30ற்கும் அதிகமான முதலைகள் காணப்பட்ட போதிலும் தற்போது 10 முதல் 15 வரையிலான முதலைகளே காணப்படுவதாக தெரிவிக்கப்படுகின்றது.
மேலும் இவை சுமார் 7 அடி முதல் 8 மற்றும் 9 அடி முதலைகள் எனவும், தற்போது இறந்த நிலையில் நீரில் மிதந்து காணப்படுவதாகவும் தெரிவிக்கப்பட்டுள்ளது. எனினும் நாட்டில் தற்போது ஏற்பட்ட சீரற்ற காலநிலை காரணமாக பல முதலைகள் இறந்த நிலையில் காணப்படுவதாகவும் தகவல் வெளியாகியுள்ளன.
இதனால் இந்த பகுதியில் அதிக துர்நாற்றம் வீசுவதுடன், பயணங்களை மேற்கொள்ளும் பொதுமக்கள் சிரமங்களை எதிர்கொள்வதாகவும் எமது பிரதேச செய்தியாளர் தெரிவித்துள்ளார்.
இது தொடர்பாக சம்பந்தப்பட்ட அதிகாரிகள் கவனம் செலுத்த வேண்டும் எனவும் மக்கள் வலியுறுத்தியுள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
