கொழும்பில் பாடசாலை மாணவர்களை ஏற்றிச்சென்ற பேருந்து விபத்து

கொழும்பு - கடுவலை,  ரனாலா பகுதியில் தனியார் பேருந்தும் பாடசாலை பேருந்து ஒன்றும்,  நேருக்கு நேர் மோதியதில் 20 மாணவர்கள் உட்பட 50 பேர் காயமடைந்துள்ளதாக தெரிவிக்கப்படுகிறது.

கொழும்பில் இருந்து லம்புகமுவ நோக்கி மாணவர்களை ஏற்றிச் சென்ற மாணவர் பேரூந்தும், அம்பிலிபிட்டியவில் இருந்து கொழும்பு நோக்கிச் சென்ற தனியார் பேருந்தும் நேருக்கு நேர் மோதி விபத்துக்குள்ளானது.

வைத்தியசாலையில் அனுமதி

விபத்தில் காயமடைந்தவர்கள் நவகமுவ வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

விபத்து தொடர்பான மேலதிக விசாரணைகளை ரனாலா பொலிஸார் மேற்கொண்டு வருகின்றனர்.