ஜனாதிபதித் தேர்தலை நடத்துமாறு கோரி சிவில் அமைப்புகளின் பிரதிநிதிகள் ஆர்ப்பாட்டம்

ஜனாதிபதித் தேர்தலை திட்டமிட்டபடி நடத்துமாறு கோரி பல சிவில் அமைப்புகளின் பிரதிநிதிகள் ஆர்ப்பாட்டத்தில் ஈடுபட்டுள்ளனர்.

குறித்த ஆர்ப்பாட்டமானது இன்று (22) காலை இராஜகிரியவிலுள்ள தேர்தல் ஆணைக்குழுவுக்கு முன்பாக இடம்பெற்றுள்ளது.

ஆர்ப்பாட்டம்

இதன்போது, ஆர்ப்பாட்டக்காரர்களால் சிறிகொத்த சதிக்கு இடமளிக்க வேண்டாம், ஜனாதிபதித் தேர்தலை உடனடியாக நடத்த வேண்டும், சுயாதீன தேர்தல் ஆணைக்குழுவின் அதிகாரத்தை உடனடியாக நடைமுறைப்படத்த வேண்டும் போன்ற பதாதைகளை ஏந்தியவாறு ஆர்ப்பாட்டம் முன்னெடுக்கப்பட்டுள்ளது.

இந்த எதிர்ப்பு ஆர்ப்பாட்டத்தை 'பிரஜைகள் கூட்டணி' உறுப்பினர்கள் ஏற்பாடு செய்திருந்தமை குறிப்பிடத்தக்கது.