குழந்தையை தாக்கிய சந்தேகநபர் கைது

குழந்தையொன்று தாக்கப்பட்ட சம்பவம் தொடர்பான காணொளியொன்று சமூக ஊடகங்களில் அதிகம் பகிரப்பட்ட நிலையில் அது தொடர்பான சந்தேகநபர் கைது செய்யப்பட்டுள்ளார்.

குறித்த கைது நடவடிக்கை இன்று (05.06.2024) அதிகாலை இடம்பெற்றுள்ளது.

புல்மோட்டை, அரிசி மலை பகுதியில் வைத்து குறித்த சந்தேகநபர் சிக்கியுள்ளதுடன், இந்த தாக்குதல் சம்பவத்திற்கு உதவிய குற்றச்சாட்டில் மேலும் இரு பெண்களும் கைது செய்யப்பட்டுள்ளதாக பொலிஸார் தெரிவித்துள்ளனர்.

பொலிஸ் காவலில் வைக்கப்பட்டுள்ள குழந்தை

சம்பவம் தொடர்பில் 45 வயதுடைய ஆண் ஒருவரும் 37 மற்றும் 46 வயதுடைய இரண்டு பெண்களும் கைது செய்யப்பட்டுள்ளனர்.

இவர்கள் வெலிஓயா கல்யாணபுர பிரதேசத்தில் வசிப்பவர்கள் என தெரிவிக்கப்படுகிறது.

தாக்குதலுக்கு உள்ளான 4 1/2 வயதுடைய குழந்தையும் பொலிஸ் காவலில் வைக்கப்பட்டுள்ளதாக பொலிஸார் மேலும் தெரிவித்துள்ளமை குறிப்பிடத்தக்கது.