கொழும்பில் நடைபெறவுள்ள சுவர்களில் உருவாகும் சுவர்க்கங்கள் கவிதை நூல் வெளியீடு

பன்னூலாசிரியரும் ஒலி, ஒளிபரப்பாளருமான அஷ்ரப் சிஹாப்தீனின் 'சுவர்களில் உருவாகும் சுவர்க்கங்கள்' எனும் கவிதைத் தொகுதி வெளியீட்டு நிகழ்வு இடம்பெறவுள்ளது.

குறித்த நிகழ்வானது எதிர்வரும் 07ஆம் திகதி (07.07.2024) பி.ப. 4.00 மணிக்கு கொழும்பிலுள்ள வை.எம்.எம்.ஏ. மண்டபத்தில் வகவம் தலைவர் கவிமணி என். நஜ்முல் ஹூஸைன் தலைமையில் நடைபெறவுள்ளது.

 வாழ்த்துரை

நிகழ்வில் பிரதம அதிதியாக முன்னாள் வர்த்தக, வாணிப அமைச்சரும் நாடாளுமன்ற உறுப்பினருமான ரிஷாட் பதியுதீனும் விசேட அதிதியாக கடற்றொழில் துறை அமைச்சின் மேலதிக செயலாளர் அனுஷா கோகுல பெர்ணாண்டோவும் கலந்து கொள்ளவுள்ளனர்.

வரவேற்புரையை கவிஞர் சிமாரா அலியும் வாழ்த்துரையை மாத்தளை எம்.எம். பீர்முகம்மதும் வழங்கவுள்ளனர்.

நூல் பற்றிய உரைகளை எழுத்தாளர் பூர்ணிமா கருணாகரன், கவிஞர் எஸ்.ஏ.சி.பி. மரிக்கார் ஆகியோர் நிகழ்த்தவுள்ளனர்.