அத்துருகிரிய துப்பாக்கிச்சூடு: களமிறக்கப்பட்டுள்ள 10 பொலிஸ் குழுக்கள்

அத்துருகிரியவில் நேற்று பகல் இடம்பெற்ற துப்பாக்கிச்சூட்டு தாக்குதல் தொடர்பான விசாரணைக்கு 10 பொலிஸ் குழுக்கள் நியமிக்கப்பட்டுள்ளன.

பொலிஸ் ஊடகப்பிரிவு இதனைத் தெரிவித்துள்ளது.

இந்தத் தாக்குதல் சம்பவத்தில் க்ளப் வசந்த உள்ளிட்ட 2 பேர் கொல்லப்பட்டதுடன், பாடகி சுஜீவா உள்ளிட்ட 4 பேர் காயமுற்றனர்.

பொலிஸாரின் சந்தேகம்

இந்த தாக்குதல் வெளிநாடொன்றில் இருந்து திட்டமிட்டு வழிநடத்தப்பட்டிருக்கலாம் என பொலிஸார் சந்தேகம் வெளியிட்டுள்ளனர்.

சம்பவத்துடன் தொடர்புடையவர்கள் பயன்படுத்திய இரண்டு வாகனங்கள் இருவேறு இடங்களிலிருந்து மீட்கப்பட்டமை குறிப்பிடத்தக்கது.