பட்டமளிப்பு விழாவில் பட்டம் பெறவுள்ள சாதனை மாணவர்கள்

யாழ்ப்பாணப் பல்கலைக்கழகத்தில் எதிர்வரும் 14ஆம், 15ஆம் ஆகிய தினங்களில் நடைபெறவுள்ள 38ஆவது பட்டமளிப்பு விழாவில் வாழ்வகத்தைச் சேர்ந்த 5 விழிப்புலனற்ற மாணவர்கள் பட்டம்பெற உள்ளனர்.

ஸ்ரீதரன் யோகதாஸ் மொழிபெயர்ப்புக் கற்கை சிறப்புக்கலைமாணிப் பட்டத்தினையும், பொன்னம்பலம் தீபன், கலாமோகன் பிரகான் ஆகியோர் இந்து நாகரிக சிறப்புக்கலைமாணிப் பட்டத்தினையும், தங்கராசா லாவண்யா தொல்லியல் சிறப்புக் கலைமாணிப் பட்டத்தினையும், பிரகான் வானுஜா பொதுக் கலைமாணிப் பட்டத்தினையும் பெற்றுக்கொள்ள உள்ளனர்.

இந்நிலையில், விழிப்புலனற்றமை கல்வி முன்னேற்றத்துக்குத் தடையல்ல என்பதை மீண்டும் ஒரு தடவை இந்த மாணவர்கள் நிரூபித்துள்ளனர்.