அம்பாறை - மாளிகைக்காடு மர ஆலையொன்றில் தீ பரவல்

அம்பாறை(Ampara) - காரைதீவு பிரதேச சபை நிர்வாக எல்லைக்குட்பட்ட மாளிகைக்காடு பிரதேசத்திலுள்ள மர ஆலையொன்றில் தீ விபத்து ஏற்பட்டுள்ளது.

இந்த தீ விபத்தானது நேற்று(22.07.2024) மாலை இடம்பெற்றுள்ளது.

உயிர்ச்சேதம் 

குறித்த மர ஆலையில் தீ பரவல் ஏற்பட்ட போது, பிரதேசவாசிகள், கல்முனை மாநகர சபையின் தீயணைப்பு வாகனங்கள் மற்றும் தேசிய நீர் வழங்கல் வடிகாலமைப்பு சபையின் உதவியுடன் தீ கட்டுப்பாட்டுக்குள் கொண்டு வரப்பட்டுள்ளது.

இதன்போது, மரம் அறுக்கும் ஆலை தீப்பற்றியுள்ளதுடன் அங்கு காணப்பட்ட மரங்களும் எரிந்து சாம்பலாகியுள்ளன.

அத்துடன், இந்த தீ விபத்தானது மின்கசிவு காரணமாக ஏற்பட்டிருக்கலாம் எனவும், இதன்போது உயிர்ச்சேதம் ஏதும் ஏற்படவில்லை எனவும் தெரிவிக்கப்படுகின்றது.