இலங்கைக்கு வருகை தருவதற்கு அச்சம் கொள்ளும் வெளிநாட்டவர்கள்..!

நாட்டில் இடம்பெறும் வன்முறை சம்பவங்களை சமூக ஊடகங்களில் பார்க்கும் போது சுற்றுலா பயணிகள் இலங்கைக்கு வருவதற்கு அச்சம் கொள்வதாக தேசிய நாமல் உயன அமைப்பின் ஸ்தாபகர் வனவாசி ராகுல தேரர் (Wanawasi Rahula Thera) தெரிவித்துள்ளார்.

இலங்கை தற்போது சிகாகோ போன்று மாறியுள்ளது.

யுக்திய நடவடிக்கை மற்றும் பல்வேறு ஆயுதக் குழுக்கள் பல வழிகளில் மக்களை கொன்று குவிப்பதாகவும், பாதாள உலகக் குழுக்கள் பல மோதல்களை ஏற்படுத்துவதாகவும் செய்திகள் வெளியாகின்றன.

கொலை வழக்குகள்

சுற்றுலா எங்கள் நாட்டில் ஒரு முக்கிய தலைப்பாக மாறியுள்ளதுடன் நமது பொருளாதாரத்தை கட்டியெழுப்ப முக்கிய காரணியாக உள்ளதாக ராகுல தேரர் குறிப்பிட்டுள்ளார் .

மேலும், சமூக ஊடகங்களில் இதுபோன்ற வன்முறை சம்பவங்களை பார்க்கும்போது, ​​வெளிநாட்டவர்கள் இலங்கைக்கு வருகை தருவதற்கு பயப்படுகிறார்கள்.

இதேவேளை கொலை வழக்குகளை ஊடகங்கள் விரிவாக காட்டுவதோடு, இதுபோன்ற உள்ளடக்கத்தை ஒளிபரப்புவது நெறிமுறை ஊடக நிறுவனங்களின் பொறுப்பாக நான் நினைக்கவில்லை என்று கூறியுள்ளார் .

எதிர்மறையான தாக்கம்

மக்கள் எந்தவித அச்சமும் இல்லாமல் துப்பாக்கிகளை பயன்படுத்தி கொலை செய்கிறார்கள், அவர்கள் ஒருவரையொருவர் வெளிப்படையாக சுட்டுக்கொள்கிறார்கள். இதுபோன்ற காணொளிகள் சிறு குழந்தைகளின் மனதைக் கூட மாசுபடுத்துகின்றன. 

எனவே, குழந்தைகள் மற்றும் பொதுமக்களை குழப்பும் மற்றும் எதிர்மறையான தாக்கத்தை ஏற்படுத்தும் இதுபோன்ற உள்ளடக்கங்கள் பரவுவதைத் தடுக்க ஊடக நெறிமுறைகளை பேணுவதும் சட்டங்களைக் கொண்டுவருவதும் அரசாங்கத்தின் பொறுப்பாகும் என்றும் வனவாசி ராகுல தேரர் வலியுறுத்தியுள்ளார்.