யாழ். கடற்பரப்பில் கரையொதுங்கியுள்ள ஆணொருவரின் சடலம்

யாழப்பாணம் (Jaffna) - ஊர்காவற்றுறை பொலிஸ் பிரிவிற்குட்பட்ட குறிகாட்டுவான் கடற்பரப்பில் ஆணொருவரின் சடலம் கரையொதுங்கியுள்ளது.

குறித்த சடலமானது, நேற்று (14.06.2024) மாலை பொலிஸாரால் மீட்கப்பட்டுள்ளது. 

இதன்போது, சடலம் மிகவும் சிதைவடைந்த நிலையில் இருந்ததால் சடலமாக மீட்கப்பட்டவர் யார் என இதுவரை இனங்காணப்படவில்லை.

மேலதிக விசாரணை

இந்நிலையில், சடலம் மீட்கப்பட்டு யாழ்ப்பாணம் போதனா வைத்தியசாலையில் வைக்கப்பட்டுள்ளது.

அதேவேளை, இது குறித்த மேலதிக விசாரணைகளை ஊர்காவற்றுறை பொலிஸார் மேற்கொண்டு வருகின்றனர்.