நான்கு பாடசாலை மாணவர்கள் மாயம்: விசாரணைகள் தீவிரம்

தலவாக்கலை பொலிஸ் பிரிவுக்குட்பட்ட தோட்டம் ஒன்றில் வசிக்கும் 3 பாடசாலை மாணவிகள் மற்றும் ஒரு மாணவர் காணாமல் போயுள்ளதாக தெரிவிக்கப்பட்டுள்ளது.

பொலிஸில் முறைப்பாடு

மேலதிக வகுப்பிற்கு செல்வதாக கூறி வீட்டை விட்டு வெளியேறிய குறித்த மாணவர்கள், கடந்த 14 ஆம் திகதி முதல் காணாமல் போயுள்ளதாக தெரிவிக்கப்படுகின்றது.

இவ்வாறு சென்ற பிள்ளைகள் வீடு திரும்பாததால் பெற்றோர்கள் தலவாக்கலை பொலிஸில் முறைப்பாடு செய்துள்ளனர்.

காணாமல் போன நான்கு மாணவர்களும் உறவினர்கள் என தெரியவந்துள்ளது.

விசாரணை

பாடசாலை முடிந்து வீடு திரும்பிய இம் மாணவர்கள் மேலதிக வகுப்பிற்கு செல்வதாக கூறி, மீண்டும் வீட்டை விட்டு வெளியேறிதாகவும் கூறப்படுகின்றது.

11 ஆம் தரத்தில் கல்வி கற்கும் 16 வயதுடைய 3 சிறுமிகளும், 9 ஆம் தரத்தில் கல்வி கற்கும் 14 வயதுடைய பாடசாலை மாணவர் ஒருவரும் இவ்வாறு காணாமல் போயுள்ளனர்.

சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.