மட்டக்களப்பில் தமிழர் விடுதலைக் கூட்டணியின் ஆதரவாளர்கள் இருவர் கைது

மட்டக்களப்பு- ஆரையம்பதி பகுதியில் தேர்தல் சட்டத்தை மீறி பிரச்சாரச் சுவரொட்டிகளை ஒட்டிக்கொண்டிருந்த இரண்டு ஆதரவாளர்கள் கைது செய்யப்பட்டுள்ளதாக தெரிவிக்கப்படுகின்றது.

குறித்த கைது நடவடிக்கையானது இன்று (30) ஆரையம்பதி பிரதான வீதியில் மேற்கொள்ளப்பட்டுள்ளதாக காத்தான்குடி பொலிஸார் தெரிவித்துள்ளனர்.

தமிழர் விடுதலைக் கூட்டணியின் வேட்பாளரின் தேர்தல் பிரச்சாரச் சுவரொட்டிகளை ஒட்டிக்கொண்டிருந்த அந்தக் கட்சியின் ஆதரவாளர்களே இதன்போது கைது செய்யப்பட்டுள்ளனர்.

நெருங்கும் பொதுத் தேர்தல்: அதிகரிக்கும் முறைப்பாடுகள்

நூற்றுக்கும் மேற்பட்ட சுவரொட்டிகள்

தேர்தல் சட்டத்தை மீறி ஆரையம்பதி பிரதான வீதியிலுள்ள சுவர்களில் இன்று இருவரும் சுவரொட்டிகளை ஒட்டிக்கொண்டிருந்தபோது கைது செய்யப்பட்டுள்ளதாக தெரிவிக்கப்படுகின்றது.

இதனையடுத்து ,கைது செய்யப்பட்டவர்களிடமிருந்து நூற்றுக்கும் மேற்பட்ட சுவரொட்டிகள் கைப்பற்றப்பட்டுள்ளதாக பொலிஸார் குறிப்பிட்டுள்ளனர்.

மேலும் ,குறித்த நபர்களை நீதிமன்றத்தில் முன்னிலைப்படுத்த நடவடிக்கை எடுக்கப்பட்டுள்ளதாக காத்தான்குடிப் பொலிஸார் தெரிவித்துள்ளனர்.

அம்பாறையில் அதிகரிக்கும் சட்டவிரோத செயற்பாடுகள்: பொலிஸாரின் முக்கிய அறிவித்தல்

ஹட்டனில் போதைப்பொருள் பயன்படுத்த முயன்ற இளைஞர்கள் கைது