பூநகரி பாடசாலைக்கு அருகில் காவல்துறை உத்தியோகத்தர்கள் குழுவொன்று வீதித் தடை சோதனையில் ஈடுபட்டிருந்தபோது, நேற்று இரவு (02) இந்த சோதனை நடவடிக்கை முன்னெடுக்கப்பட்டிருந்தது.

இதன்போது, குறித்த மோட்டார் சைக்கிள்களை நிறுத்துமாறு சைகை செய்யப்பட்டபோதிலும், ஒரு மோட்டார் சைக்கிள் ஓட்டுநர் தன்னிடமிருந்த பொதி ஒன்றை அந்த இடத்திலேயே கைவிட்டு இரண்டு மோட்டார் சைக்கிள்களையும் நிறுத்தாமல் செலுத்திச் சென்றுள்ளனர்.

கைவிடப்பட்ட பொதி

கைவிடப்பட்ட பொதியை அதிகாரிகள் சோதனையிட்டபோது, அதிலிருந்த 14 சிறிய பொதிகளுக்குள் 13 கிலோ 340 கிராம் ஹெரோயின் மற்றும் 01 கிலோ 62 கிராம் ஐஸ் போதைப்பொருள் இருந்தது கண்டறியப்பட்டுள்ளது.

தப்பிச்சென்ற சந்தேகநபர்களைக் கைது செய்வதற்காக பூநகரி காவல்துறையினர் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.